طلبت من طلابي يرسمون ( بيت ) في اسبوع العائلة وجوني ثاني يوم وبديت اجمع الرسمات .. وكل ما اعطاني واحد رسمته قلت واااو ماشا الله ! شوفوا رسمة فلان !
جاني لؤي راسم بيت وعنده وحدة لابسة عباية وعليها سهم مكتوب ابله منى .. قلت ( الله يا لؤي ! مين هذي ) قال هذي انتي … قلت تجنن ! شكراً وحضنته ..
ثاني يوم بديت اعلق الرسمات عالجدار جاني مشعل راسم بيت حليو وسور وشجرة … قلت الله يا مشعل تجنن .. ورفعتها اوريها اصحابه ، قال بفلسفته الجميلة : جيبي شوي ، اعطيته ، قال : هذا البيت ، وهذي الشجرة ، وهذا السور … ثم أشر ع كائن غريب وقال : وهذي انت!
كتمت الضحكة وقلت الله يا مشعل رسمتني مثل لؤي ! شكررراً .. وحضنته جاء محمد الشيبه … قال ابله قلت هلا ، قال شفتي رسمتي ؟ وأشر ع الجدار … قلت ايه ؟ قال شفتي هذا؟ ( كان راسم ولد يلعب بالمرجيحه جنب الباب ) قلت ايوا ، قال هذا انت ! وبدون اي مقدمات حضني بقووة !
جاء خالد .. قال ابله شفتي رسمتي ؟….وأشر عليها ! ناظرت والا رسمته مافيها اشخاص ، قلت وش فيها … ؟ قال شفتي البيت ؟! قلت ايوا ؟! .. قال ؛ انتي داخل بالغرفة ….وما احس الا وفقدت توازني من الحضن المفاجئ !!
ياني ضحكت هذاك اليوم ليييين قلت آمين 😅😂